Për këtë janë mbajtur disa takime, ku aktualisht është duke u bërë jetësimi i koncept dokumentin në draft ligjin.
“Janë mbajtur disa takime të Grupit Punues të ngushtë si dhe është organizuar një Punëtori me qëllim të shpalosjes dhe diskutimit të draftit të parë të këtij Projektligji. Deri tani është punuar në jetësimin e koncept dokumentit në Projektligj. Pra, është vendosur baza e organizimit dhe funksionimit të Institutit, duke lënë hapësirë për plotësimin e Projektligjit dhe harmonizimin e tij me praktikat më të mira ndërkombëtare”, thuhet në përgjigjen e Ministrisë së Drejtësisë.
Kryetari i Këshillit të Familjarëve të Personave të Zhdukur, Ahmet Grajçevci, posedon disa dëshmi të krimeve të luftës.
Ky thotë që posedojnë materiale të mjaftueshme që mund t’i hyjnë në punë Institutit dhe organeve hetuese, por që asnjëherë nuk ka pasur interesim nga këto institucione.
E sipas tij, kjo shtuar edhe kohën prej 23 vitesh nga lufta, është dëm i madh për Kosovën.
Deri në vitin 2018 ishte funksional një Institut për qëllimin e njëjtë, por që ishte mbyllur nga qeveria në krye me Ramush Haradinaj
Kronika e realizuar nga Florijeta Dernjani
