Një tjetër projektligji, si adresë kërkohet t’i jepet Komisioni i Venecias.
Të paktën, si kërkesë e Bashkimit Evropian, është që projektligji për Gjykatën Administrative të dërgohet tek ky institucion.
Përpos zvarritjes së miratimit, kalimi i këtij filtri, nuk shihet si problematik.
“Për ne nuk është problem ky aspekt, i vetmi problem mund të jetë fakti që përderisa të vendos ose të ofrojë një opinion Komisioni i Venecias për këtë projektligj mund të zvarritet procedura e miratimit të tij në Kuvendin e Kosovës. Dhe mund të ndodhë që derisa Komisioni i Venecias ta ofrojë opinionin e vet, të kalojë edhe ky vet dhe të mos e kemi të miratuar projektligjin për Gjykatën Administrative”, ka thënë Vullnet Bugaqku nga KDI.
Këtë kërkëse të BE-së, Kuvendi i Kosvës nuk ka treguar nëse e ka adresuar, meqë aktualisht kjo dosje është në shqyrtim nga një grup punues i Komisionit për Legjislacion.
Megjithatë, fakti që shumë ligje të sponzorizuara nga Ministria e Drejtësisë janë dërguar në Komision të Venecias, vlerësohet si dështim.
“Respektimi në thonjëza i kërkesës së Bashkimit Evropian, është një dështim tjetër i radhës i Ministrisë së Drejtësisë në atë reformën e ashtuquajtur të drejtësisë. Kjo me të vërtetë, me aq kohë sa do të merrë është e domosdoshme që të kemi një Gjykatë Administrative”, thotë Anton Nrecaj nga institute CLARD.
Shqetësimet e BE-së për këtë projektligj, lidhen me menaxhimin e gjykatave, planifikimin e buxhetit dhe sfidat e burimeve njerëzore.
