Kështu ka deklaruar profesori universitar, Ibrahim Gashi, në emisionin “Këndi i Debatit” në Tëvë 1.
Ai thotë se shpeshherë ka pasur edhe “mbyllje të syve” nga këto vende ndaj veprimeve ruse në rajon.
“Optika me të cilin vendet e BE-së në Ballkan e kanë parë politikën ruse nuk ka qenë e duhur dhe e saktë për deshifrimin e saj. Ka pasur një mbyllje të syve shpeshherë ndaj veprimeve, nuk e dijmë por edhe qarqet e larta politike si duket kanë parë se kanë hyrë financat ruse. Mbi të gjitha kemi pasur një mbyllje syve ndaj subversionit dhe diversionit politik mediatik e kibernetik që Rusia ka kryer përmes Serbisë në Ballkan qoftë për destabilizimin e Malit të Zi, qoftë përmes qendrës humanitare në Nish, etj”, tha Gashi.
Por, ai deklaron se pas kësaj situate, institucionet e Kosovës duhet kërkuar hyrjen në NATO, në mënyrë që siguria e vendit por edhe e rajonit të jetë më e madhe.
“Institucionet tona duhet të kërkojnë hyrjen në NATO, Kosova de facto është në NATO por për të qenë siguria më e madhe e rajonit. Kjo do të vinte nëse do të neutralizohej kundërshtimi i pesë vendeve të BE-së dhe duhet neutralizuar ato duke njohur Kosovën. Derisa i takon kërcënimit të drejtpërdrejt, për vetë faktin se ne jemi brenda një rreze të NATO-s që po testohet në një pjesë tjetër të saj, jo në Ballkan, dhe mendoj që testi do të jetë Ukraina dhe vendet afër saj dhe unë mendoj që edhe Serbia do të jetë e kujdesshme nuk përjashtohen provokime qoftë me mbajtjen e zgjedhjeve në veri”, shtoi Gashi./teve1.info/
