1. Monografi, si të parat e këtij lloji në kulturën dhe shkencën gjithëshqiptare.
Profesori Fadil Maloku, përveç kontributit në përgatitje të studentëve ndër breza ai u kujdes për ta pasuruar tutje literaturën e studentëve në vazhdim duke ju ofruar këtë botim me vlerë profesionale, praktike, mbase edhe t’i ofroj njohuri mbarë lexuesit shqiptar për zhvillimet mbi diskurset e proceseve kryesore: Globale, ato kontinentale, rajonale e lokale.
Monografia vazhdon të përmbajë njohuri dedikuar gjitha strukturave profesionale e sociale në shoqëritë shqiptare si dhe për studiuesit e profileve të ndryshme sociale, politike, ekonomike, ushtarake, e kulturore të viseve shqiptare.
2. Një pjesë të botimit autori i jep vëmendje analizës mbi teoritë dhe agjentët kryesorë të globalizimit, të cilët sipas autorit sot njihen si fuqizuesit dhe katalizatorët kryesorë të tij.
Autori në fjalë vjen me sugjerimet, dallimet apo divergjencat e sotme mes globalizmit, globalitetit dhe globalizimit, si dhe debatet më të vonshme kryesisht Akademike rreth këtyre çështjeve në kontekstin e ngurtësimit, reduktimit të rolit të (“Leviatanit”) shtetit, që për Kosovën, si shteti më i ri në vorbullën e këtij procesi gjithbotëror, është shumë me rëndësi të kihen informacione dhe njohuri të duhura, në mënyrë që të mësojmë sfidat dhe pengesat eventuale në këtë rrugëtim, për mendimin tonë, tashmë të pashmangshëm jo vetëm për ne por edhe për gjithë rajonin e Ballkanit Perëndimor.
Tutje autori shtjellon për diskurset tjera që i referohen procesit të integrimit dhe sfidave të mundshme në Ballkanin Perëndimor. Ndër këto sfida më të rëndësishme autori identifikon atë të tranzicionit dhe atë të rajonizimit që së bashku me procesin e akomodimit të standardeve evropiane, përbëjnë detyrat dhe obligimet më të rëndësishme të shoqërisë kosovare për të ardhmen.
3. Sipas autorit, tranzicioni i stërzgjatur në rastin e Kosovës, padyshim që ka të evidentuara shkaqet dhe pasojat e veta specifike, që për një sociologji kombëtare janë tejet të rëndësishme dhe të dobishme edhe për faktin se ato e kompletojnë mozaikun e zhvillimeve dhe proceseve të ndodhura në ndërkohë.
Artikull i sponzoruar
(Qëndrimet e autorit nuk e përfaqësojnë qëndrimin editorital të redaksisë)