Fetoshi në emisionin “Këndi i Debatit” në Tëvë1, tha se është dakord që në kontest të efekteve të agresionit rus në Ukrainë, Qeveria të demonstrojë përkushtimin e saj në kuadër të integrimeve euroatlantike.
“Në qoftë se këshilli ndërinstitucional për anëtarësimin e Kosovës në NATO është thjesht shprehje e vullnetit politik të Qeverisë për të demonstruar përkushtim në këtë rrugën e integrimit euroatlantik nuk shoh asgjë të keqe, jam dakord që të në kontest të efekteve të agresionit rus në Ukrainë, Qeveria jonë të demonstrojë përkushtimin e saj në kuadër të integrimeve euroatlantike mirëpo duhet të jemi realist aktualisht nuk ka asnjë gjasë që Kosova të anëtarësohet në NATO”, deklaroi ai. /teve1.info/
