Kandidati socialist i vetëshpallur dhe mbështetës i Palestinës, Zohran Mamdani, ka fituar zgjedhjet paraprake te Demokratëve për t’u bërë kandidati i radhës për kryetar bashkie të Nju Jorkut.
I parë fillimisht si një kandidat i jashtëm, Mamdani drejtoi një fushatë të hapur të krahut të majtë duke premtuar kontroll të qirasë dhe udhëtim falas me autobus, që e çoi atë në krye të mërkurën me 43 përqind të votave me 95 përqind të fletëvotimeve të numëruara.
Demokrati, Andrew Cuomo, fillimisht favorit për të fituar, ia pranoi fitoren 33-vjeçarit Mamdani, i cili nëse zgjidhet në nëntor do të jetë myslimani i parë dhe socialisti i parë i vetëshpallur që do të mbajë këtë post.
Në fjalimin e tij të fitores të mërkurën, Mamdani ia atribuoi fitoren e tij një fushate që u përqendrua në koston e jetesës dhe trajtimin e pabarazisë në pasuri në qytetin më të madh të Amerikës, ka shkruar Middle East Eye.
“Sonte bëmë histori,” tha ai.
“Ne kemi fituar sepse banorët e Nju Jorkut janë ngritur në këmbë për një qytet që mund ta përballojnë – një qytet ku mund të bëjnë më shumë sesa thjesht të luftojnë.”
In the words of Nelson Mandela: it always seems impossible until it’s done.
My friends, it is done. And you are the ones who did it.
I am honored to be your Democratic nominee for the Mayor of New York City. pic.twitter.com/AgW0Z30xw1
— Zohran Kwame Mamdani (@ZohranKMamdani) June 25, 2025
Gjatë gjithë fushatës së tij, Mamdani u përball me kritika të përsëritura nga komentatorët pro- Izrael për mbështetjen e tij publike për palestinezët.
Mamadani e ka akuzuar Izraelin për kryerjen e gjenocidit në Gaza dhe ka thënë se do të arrestonte kryeministrin izraelit Benjamin Netanyahu nëse ai do të vizitonte Nju Jorkun.
Senatori amerikan, Bernie Sanders pas fitores së tij shkroi: “Ju u përballët me Establishmentin politik, ekonomik dhe mediatik – dhe i mundët ata.”
Zgjedhjet për kryetar bashkie të Nju Jorkut janë planifikuar për 4 nëntor, me demokratët që janë të favorizuar për të fituar.
