Dy humbje në dy ndeshjet e para të këtij edicioni në Superligën e Kosovës në basketboll, kanë sjellë ndryshimet e para te skuadra e Prizrenit.
Brenda një dite, ekipi prizrenas ka shkëputur bashkëpunimin me dy basketbollistë amerikan. Pasi njoftoi për largimin e Ryan Hughes të hënën, Prizreni të martën ka njoftuar edhe për një largim tjetër.
ADVERTISEMENT
Bëhet fjalë për amerikanin Jeremy Ireland, të cilin e ka falënderuar për kontributin dhe i ka dëshiruar suksese të mëtejme në karrierë.
Në dy ndeshje të luajtura në Superligë për Prizrenin, Ireland pati një mesatare prej 5 pikëve dhe 5 kërcimeve. Në dy xhirot e para, Prizreni u mposht nga Sigal Prishtina dhe Peja. Në xhiron e tretë, luan në udhëtim te Vëllaznimi.
