Gjykata Themelore në Prizren, departamenti për të mitur, e ka dënuar një person me 24 vite burgim, pasi i ka detyruar dy vajza të mitura nën 14-vjeç të kryej akte seksuale me të.
Sipas njoftimit nga gjykata, i akuzuari në rastin e parë , nga nëntori i vitit 2023 deri më 1 mars 2024 e ka detyruar një te mitur që të kryej akt seksual me të.
Ndërkaq, në rastin e dytë, gjykata tha se nga koha e pavërtetuar, deri më 1 mars 2024, e ka detyruar një te mitur tjetër që të kryej akt seksual me të.
“Andaj Gjykata, në kuptim të Kodit Penal dhe Kodit të Procedurës Penale, të akuzuarit E.G., e GJYKON: DENIM UNIK ME BURGIM në kohëzgjatje prej 24 vitesh (në të cilin dënim do ti llogaritet koha e kaluar në paraburgim nga data 01 mars 2024. Të njëjtit i vazhdohet masa e paraburgimit deri në plotfuqishmërinë e Aktgjykimit”, thuhet në njoftimin e gjykatës.
Po ashtu, në njoftim bëhet e ditur se kundër këtij aktgjykimi, pala e pakënaqur ka të drejtë ankese në Gjykatën e Apelit.
I akuzuari ka qenë në paraburgim nga 1 marsi 2024./teve1.info/.
