Bashkatdhetarët po ballafaqohen me pritje në pikat kufitare gjatë ardhjes së tyre në Kosovë përmes Kroacisë.
Për këtë, ministri në detyrë të Punëve të brendshme Xhelal Sveçla që të zhvillojë një bisedë telefonike me homologun e tij kroat Davor Bozhinoviq.
Sveçla tha se ka kërkuar nga homologu i tij kroat një modalitetet për një kalim kufitar sa më të lehtë dhe më të shpejtë për qytetarët e Kosovës.
“Ministri Bozhinoviq shprehu gatishmërinë dhe angazhimin e tij që brenda rregullave të adresoj këtë kërkesë timen”, ka shkruar Sveçla në Facebook.
Ai ka falënderuar ministrin Bozhinoviq për gatishmërinë dhe bashkëpunimin e deritanishëm mes dy ministrive përkatëse të shteteve mike.
