Ka përfunduar gjykimi për korrupsion ndaj ish kryeshefit të KPM-së, Luan Latifi. Në seancën e fundit të shqyrtimit gjyqësor, u dëgjuan fjalët përfundimtar. Prokuroria kërkoi që Latifi të shpallet fajtor, pasi që sipas tij fajësia e Latifit është vërtetuar.
Njëzëri ishte edhe mbrojtja e palës së dëmtuar, pronarëve të “TELKOS”.
E lirimin e Latifit e kërkoi mbrojtja e tij.
Në seancë fjalën e mori edhe vet Latifi. Ai tha se e gjithë aktakuza dhe dëshmia e të dëmtuarit është e bazuar në gënjeshtra.
Deklarimet e dy të fundit, ngjallën reagime nga prokuroria dhe mbrojtja e të dëmtuarit.
Aktakuza e ngritur më 15 shtator 2021, ngarkon Luan Latifin se në cilësinë e kryeshefit të Komisionit të Pavarur për Media (KPM) dhe Arben Bilalli, në cilësinë e drejtorit të Administratës dhe Financave në KPM, gjatë qershorit 2021, kishin kërkuar dhe marrë ryshfet shumën prej 8 mijë euro nga i dëmtuari Elhami Haziri, pronar i kompanisë “Telkos”.
Ish-drejtori i Administratës së KPM-së, Arben Bilalli, kishte pranuar fajësinë në seancën fillestare, me ç’rast Gjykata Themelore në Prishtinë e dënoi me 140 ditë burgim efektiv dhe 12 mijë euro gjobë.
