Përmes raportit 24-orësh, Policia ka bërë të ditur se viktima ka raportuar se derisa ishte në rrugë është rrëmbyer nga tre persona të dyshuar të cilët e kanë futur në veturë nën kërcënimin e armës.
Sipas raportit, të dyshuarit e kanë sulmuar atë fizikisht dhe i kanë kërkuar një shumë parash prej tetë mijë eurosh teksa i kanë grabitur 125 euro të cilat i kishte me vete.
“Prishtinë, 16.07.2022-15:00. Viktima mashkull kosovar ka raportuar se derisa ka qenë në rrugë është rrëmbyer nga tre persona të dyshuar, të cilët e kanë futur në veturë dhe nën kërcënimin e armës, duke e sulmuar fizikisht i kanë kërkuar një shumë parash prej 8000€ ndërsa i kanë grabitur 125€ të cilat i kishte me vete. Viktima ka arritur të ik-largohet , rasti është duke u hetuar nga njësitë relevante”, thuhet në raport./teve1.info/
