Me përballjen Sigal Prishtina – Vëllaznimi starton play-offi në elitën e basketbollit kosovar.
Kjo ndeshje luhet sot prej orës 19:00 në Prishtinë dhe i takon fazës çerekfinale, ku skuadra me dy fitore avancon në gjysmëfinale.
Megjthatë, kjo seri mund të shkoj deri në tri ndeshjes kurse Prishtina e ka përparësinë e terrenit pasi stinorin e rregullt e ka përfunduar në vendin e tretë kurse Vëllaznimi doli i gjashti.
Në katër ndeshje të luajtura mes veti në stinorin e rregullt, Prishtina ka dy fitore karshi dy humbjeve përball Vëllaznimit, por ekipi gjakovar ka mposhtur kryeqytetasit në finalen e Ligës Unike.
Prishtina vlerësohet favorite në ndeshjen e parë pasi e luan në shtëpi kurse Vëllaznimi ka telashe me lëndime dhe nuk do të jetë i kompletuar.
Madje, në këtë ndeshje kundër Vëllaznimit, në krye të Sigal Prishtinën debuton trajneri spanjoll Paco Olmos që zëvendësoi turkun Murat Bilge të larguar javë më parë.
