“Play-off”-i Superligës së Kosovës në basketboll vazhdon të prodhojë ndeshje shumë interesante.
Të mërkurën Sigal Prishtina ndeshet me Vëllaznimin, në ndeshjen vendimtare për tu kualifikuar tutje.
Pas dy dueleve tejet të luftuara, seria është barazuar 1-1, duke e lënë gjithçka të hapur për sfidën e tretë dhe vendimtare.
Ndeshja e parë në kryeqytet përfundoi me fitoren e vendasve 71:69, edhe pse mysafirët po fitonin me katër pikë, një minutë pa përfunduar sfida. Ndërkohë, përballja tjetër në Gjakovë solli sërish adrenalinë, ku bardhekaltrit kishin epërsi deri në 21 pikë, por u përmbys nga kuqezinjtë, që triumfuan 90:73.
Të dy skuadrat pritet të jen të kompletuara për këtë takim, ku vetëm Arian Azemi i Vëllaznimit do të jet në mëdyshje.
Kjo ndeshje përcakton fatin e dy skuadrave: për njërën do të thotë vazhdim i garës drejt titullit, ndërsa për tjetrën do të jetë fundi i sezonit 2024/25.
Fituesi i kësaj çerekfinaleje përballet me Trepçën, ndërsa triumfuesi te dueli Ylli – Peja do të përballet me Bashkimin, ku dhe aty seria është 1 me 1.
Në gjysmëfinale kualifikohet skuadra që shënon dy fitore, derisa për finale duhen tri fitore. Për tu shpallur kampion duhen katër fitore.
