Pas eliminimit në raundin e parë kualifikues të Ligës së Evropës, fituesja e Kupës së Kosovës, Prishtina garat evropiane do ti vazhdoj në Ligën e Konferencës.
Rrugëtimi i Prishtinës në Ligën e Konferencës starton prej raundit të dytë kualifikues, në të cilin do të përballet me ekipin nga Irlanda e Veriut, Larne.
Ndeshjen e parë, Prishtina e luan në udhëtim, sot prej orës 21:00 dhe është maksimalisht e motivuar për rezultat të favorshëm.
Në fakt, Prishtina ka udhëtuar drejt Irlandës maksimalisht e motivuar, sidomos pas paraqitjes ndaj Sheriff Tiraspolit në kryeqytet.
Në ndeshjen e kthimit të raundit të parë kualifikues të Ligës së Evropës, të luajtur javën e shkuar në stadiumin “Fadil Vokrri”, Prishtina triumfoi 2:1 ndaj Sheriffit por që kjo fitore nuk i mjaftoi për ta eliminuar ekipin nga Moldavia, i cili në ndeshjen e parë kishte fituar 4:0.
Prishtina është kundërshtari i dytë nga Kosova për Larnen në garat evropiane pasi në dy sezonet ekipi nga Irlanda e Veriut ishte përballur me Ballkanin.
Në sezonin 2023/24, Ballkani pati eliminuar Larnen në raundin e dytë kualifikues të Ligës së Konferencës, përpara se ekipi nga Suhareka të eliminohet sezonin e kaluar në raundin e tretë kualifikues të kësaj gare nga Larne.
Larne është një klub i themeluar në vitin 1889, por sukseset nuk i ka të mëdha në Irlandën e Veriut, ku i ka fituar dy tituj kampioni dhe atë në vitin 2023 dhe 2024.
