Të mërkurën, në zyrat e Federatës së Futbollit të Kosovës, është tërhequr shorti për 1/8 e finales të Kupës së Kosovës.
Në short ishin të përfshira 16-të skuadrat që u kualifikuan në këtë fazë, duke e kaluar me sukses javën e shkuar fazën e 1/16 së finales.
Edhe në 1/8 e finales do të ketë ndeshje interesante, ku duhet përmendur përballjen ndërmjet Prishtinës dhe Suharekës që do të luhet në kryeqytet.
Duel tjetër në këtë fazë i skuadrave nga Superliga, do të jetë edhe ai ndërmjet Dritës dhe Dukagjinit, ku ekipi nga Gjilani është vendas.
Çiftet tjera të 1/8 së finales, janë: Vëllaznimi – Gjilani, Feronikeli ’74 – Prishtina e Re, Llapi – Vushtrria, Feriza – Rilindja 1974, Dinamo – Malisheva dhe Trepça – Drenica.
Edhe në këtë fazë, ndeshjet janë me sistem eliminimi dhe do të luhen në fillim të muajit shkurt të vitit 2025, duke paralajmëruar nisjen e stinorit pranveror të garave në futbollin kosovar.
