Fituesi i Kupës së Kosovës në edicionin 2024/25, Prishtina ka mësuar tashmë kundërshtarin në kuadër të Ligës së Evropës dhe shorti nuk ishte aspak në favor të kryeqytetasve.
Shorti i raundit të parë kualifikues të Ligës së Evropës për sezonin 2025/26 është mbajtur sot (e martë) në Nyon të Zvicrës, duke filluar nga ora 15:00.
Së bashku me shumë klube të njohura evropiane, pjesë e shortit ishte edhe ekipi më i trofeshëm kosovar, Prishtina, e cila ka mësuar kundërshtarin.
Shorti nuk ishte aspak i lehtë për bardhekaltrit, pasi do të ndeshen me gjigantin nga Moldavia, Sheriff Tiraspol.
Ndeshjet e turit të parë kualifikues të Ligës së Evropës janë paraparë të zhvillohen me 10 dhe 17 korrik.
Prishtina ndeshjen e parë do ta luajë si mysafir, ndërsë atë kthyese në stadiumin “Fadil Vokrri”.
