Skuadra e Prishtinës ka arritur fitore të rëndësishme në shtëpi kundër Feronikelit tashmë të rënë nga liga, me rezultat 5-0.
Kryeqytetasit përfunduan punë në pjesë të parë, me golat e Sulley fillimisht, pastaj Agim Zeka dyfishoi epërsinë. Pas kësaj, punët për Niklin u përkeqsuan edhe më shumë duke mbetur me një lojtar më pak në fushë pas kartonit të kuq të Malës.
Prishtina arriti të shënojë edhe dy gola të tjerë në pjesën e parë, me Sulley dhe Otto John.
Disa minuta në pjesën e dytë, dhe Sulley gjeti hetrikun, për 5-0, rezultat me të cilin përfundoi ndeshja.
