Pas rrikthimit të ish basketbollistit të saj, amerikanit Donta Clark, skuadra e Prishtinës ka shtuar dhe një përforcim tjetër.
Kampionia e shumëfishtë e Kosovës, Sigal Prishtina ka bërë një goditje tejet të bujshme në merkaton e janarit.
Bardhekaltërit përmes një postimi në Facebook, treguan se kanë siguruar shërbimet e qendrës së mirënjohur sllovene, Rasid Mihalbasic.
Lojtari është i gjatë 211 centimetra dhe ka karrierë të bujshme në rangjet më të larta evropiane si Euroligë, Eurocup, VTB League dhe ABA Ligë.
Së fundmi Mahalbasic është paraqitur në Meksikë, një shtet dhe ligë ku lojtarët e huaj paguhen majmë dhe kjo është prej arsyejeve që e zgjedhin.
Në të kaluarën, Mahalbasic është paraqitur me ekipe të mëdha evropiane si: Fenerbahçe, Tofas, Split, Oldenburg, Monaco, Breogan, San Pablos Burgos, Cedevita Olimpija, Astana dhe Nymburk etj.
Natyrisht që ardhja e lojtarit të tillë në Kosovë e ngrit nivelin e transfereve të tilla e që sivjet kanë munguar, pasi kanë ardhur kryesisht lojtarë të rinj dhe papërvojë, ose jo të dëshmuar në shtetet ku kanë luajtur.
