Është hera e 24-të që libri “Krimi i fundshekullit” është pjesë e titujve në tezgën e publicistit shqiptar Arben Kondi në Panairin e Librit në Prishtinë.
Për herë të parë, libri i parë ditar që i kushtohet luftës së Ushtrisë Çlirimtare të Kosovës i shkruar në shkruar në vitin 1999 mori pjesë në panairin e parë të librit në nëntor të po të njëjtit vit në Prishtinë.
Ky libër ndjek minutë pas minute tre mujorin e luftës së popullit shqiptar të Kosovës. Në të pasqyrohet e tërë lufta e UÇK-së në çastet me pikante të saj.
E autori i saj, publicisti shqiptar, Arben Kondi ka treguar dashurinë e madhe që ka për Kosovën.
Krahas këtij, libri në Panairin e Librit që nisi sot në Prishtinë po marrin pjesë shumë shtëpi nga Kosova, Shqipëria, Lugina e nga Maqedonia e Veriut do t’i shfaqin të interesuarve libra në fusha të ndryshme.
Njëri nga ta është edhe Halil Kuliqi, ish i burgosur politik i cili ka ndarë qelinë me veprimtarin kombëtar shqiptar, Ukshin Hotin.
Libri i cili përmban fjalimet, diskutimet dhe letrat dërguar motrës së tij, Myrvetes janë në tezgat e panairit.
E një tjetër pjesëmarrës në panair, inxhinier i diplomuar i elektroteknikës, Hysamedin Ahmeti thotë që librat e tij janë të dedikuar për nxënësit e shkollave të mesme.
E organizatori i këtij panairi, Edon Zeneli tregon se që në ditën e parë po vërehet interesim i madh i qytetarëve, dhe se presin që numri i vizitorëve të arrij deri në 30 mijë.
Pjesë e ceremonisë ishin edhe ministri i Kulturës, Hajrullah Çeku dhe ajo e arsimit, Arbërie Nagavci ku vizituan disa nga shitësit e librave.
“Besoj dhe mendoj shumë sidomos gjenerata e re e autorëve, krijuesve në letërsinë në Kosovë janë duke e sjellë një valë, një frymë të re dhe këta janë edhe arsyeja kryesore pse unë besoj se nuk kemi rënie në nivelin e leximit në vendin tonë”, tha Çeku.
Edicioni i 24-të i Panairit të Librit, organizuar nga Shoqata e Botuesve të Kosovës (SHBK), mbahet prej 5 deri më 9 qershor 2024, në Pallatin e Rinisë në Prishtinë.
Në panair marrin pjesë rreth 100 botues nga Kosova, Shqipëria, Maqedonia e Veriut dhe diaspora, me rreth gjashtë mijë tituj, prej tyre dy mijë tituj të rinj.
Në kuadër të panairit do të shënohet edhe 100-vjetori i lindjes së At Zef Pllumit, 100-vjetori i vdekjes së Franc Kafkës dhe aktivitete tjera.
