Prishtina të dielën mbrëma në “Pallatin e Rinisë dhe Sporteve” e ka mposhtur Bashkimin me shifra 93:74.
Bardhekaltërit arritën që në tre periudhat e fundit, fal angazhimit në mbrojtje dhe efikasitetit në sulm, ta fitojnë këtë ndeshje interesante.
Në çerekun e parë ishte Bashkimi të cilën krijoj epërsi deri në 8-të pikë 16:24. Ndërkaq vendasit nuk u dorëzuan dhe përmbysën rezultatin në çerekun e dytë ku edhe e fituan me 10-të pikë epërsi 29:19, duke shkuar në pushim me rezultat 45:43.
Edhe çereku i tretë prodhoi një ballafaqim të fortë në mes të dyja skuadrave, ku ishte e barazpeshur, derisa ekipi i Ante Nazor arriti ta marrë edhe këtë periodë me 1 pikë më shumë 20:19, në përgjithësi 65:62. Periudha e fundit ishte fatale për mysafirët, pasi kryeqytetasit e fituan bindshëm 28:12, ku në semafor rezultati përfundimtar tregonte 93:74. Te Prishtina më i dalluari ishte Muhamedali Janjeva me 17 pikë e 8 kërcime dhe Henry Duga me 15 pikë, 10 kërcime e 8 asiste.
Ndërkaq te Bashkimi u veçua John Florevus me 17 pikë e 11 kërcime.
/Tëvë1/
