Sot nis java e 15-të e Superligës së Kosovës në futboll, me dy ndeshje interesante në program.
Xhiroja nis me ndeshjen Prishtina e Re – Prishtina, të shtunën nga ora 13:00, një përballje që përveç se ndeshen dy ekipet me emrin e njëjtë të përbashkët kanë edhe të rejat e fundit. Të dyja ekipet paraqiten me trajnerë të ri.
Te Prishtina e Re, Shpëtim Babaj dha dorëheqje duke e lënë ekipin të fundit në tabelë me 11 pikë, ndërsa në vend të tij erdhi Qëndrim Kida, që së fundit udhëhoqi Suharekën e Malishevën.
Situatë pothuajse të njëjtë pati edhe lideria e ligës Prishtina e cila megjithëse në vend të parë, e shkarkoi Arsim Thaqin, për ta rikthyer Afrim Tovërlanin. Ky i fundit udhëhoqi klubin 11 vjet më parë ndërsa në vitet e fundit ka qenë selektor i Kosovës U21.
Pa fitore në xhiron e fundit janë edhe dy ekipet tjera që luajnë të shtunën nga ora 13:00, Drenica – Gjilani.
