Sot, do të zhvillohet edhe ndeshja tjetër gjysmëfinale e play-offit në Superligën e Kosovës në basketboll.
Në Pallatin e Rinisë dhe Sporteve në kryeqytet, Sigal Prishtina e pret Trepçën në ndeshjen e dytë të kësaj serie, e cila nis në orën 19:00.
Aktualisht, Trepça po avancon 1:0 me rezultatin e përgjithshëm dhe Prishtina synon ta mposht ekipin nga Mitrovica për të barazuar serinë.
Në gjysmëfinale, skuadra që regjistron tri fitore avancon në serinë finale të play-offit të këtij edicioni.
Trepça stinorin e rregullt e ka mbyllur në pozitën e parë, ndërsa këtë edicion e ka fituar Superkupën, Kupën e Kosovës dhe Ligën Unike.
Ndërkohë, Prishtina ka triumfuar në Ligën Ballkanike. Në duelin e parë gjysmëfinal të luajtur vikendin e shkuar në Mitrovicë, Trepça triumfoi me shifrat 87:81.
