Në stadiumin “Fadil Vokrri” në Prishtinë sot do të zhvillohet përballja e dy skuadrave të mëdha kosovare, Prishtinës dhe Dritës. Kjo ndeshje është e mbetur nga xhiro e dytë e këtij kampionati, atëherë kur skuadra gjilanase ishte e angazhuar në garat evropiane.
Me një fitore eventuale, Drita do ta rrëmbente kreun e tabelës në Superligën e Kosovës, duke parakaluar kështu Malishevën dhe Ballkanin pasi do të shkonte në kuotën e 24 pikëve, derisa dy skuadrat e lartpërmendura kanë nga 22 sosh, raporton KosovaPress.
Nga ana tjetër, Prishtina është momentalisht në vendin e katërt me 19 pikë dhe synimi i kësaj skuadre janë tri pikë të plota për ta ruajtur hapin me skuadrat e kreut të tabelës.
Ndeshja do të zhvillohet nga ora 17:00 dhe këto janë formacionet zyrtare:
Prishtina: Nika, Vitija, Islami, Limani, Llugiqi, Kryeziu, Gallapeni, Ajdini, Raci, Jashari, Takubu
Drita: Maloku, Dvouka, Mesa, Bejtullai, Krasniqi, Broja, Dabiqaj, Ajzeraj, Salifu, Selmani, Manaj
