Komisioni Disiplinor i shkallës së parë shqyrtoi procedurat e hapura nga Komisioni i Garave. FC Prishtina dhe FC Drita janë gjobitur në shumë prej 1000 euro pas derbit në “Fadil Vokrri”, sfidë kjo që i takoi xhiros së tretë në Superligën e Kosovës.
Ekipi i Prishtinës është gjobitur me shumë 1000 euro, ku sipas Komisionit të Garave tifozët e skuadrës kryeqytetas hodhën mjete piroteknike në tapetin e gjelbërt, duke shkaktuar dëme të konsiderueshme.
“Tifozët e FC ”Prishtina”, hodhen mjete piroteknike në tapetin e gjelbërt (sintetik) prapa portës, ku u shkaktuan dëme të konsiderueshme të asaj pjese. Sipas raportit të delegatit të ndeshjes Prishtina – Drita dhe xhirimit televiziv. Bazuar në nenin 52 paragrafi 1 pika C dhe neni 10 paragrafi 2 pika A të Rregullores disiplinore; Dënohet me gjobë ne shumë prej 1000 euro. Afat i pagesës është 8 tetë ditë kur vendimi bëhet i plotfuqishëm. (Rregullorja disiplinore neni 11 paragrafi 1). Obligohet FC “Prishtina”, që dëmin e shkaktuar nga tifo grupi “Plisat”, në stadiumin “Fadil Vokrri” ta paguajë në afat prej 15 ditëve kur vendimi bëhet i plotfuqishëm”, thuhet në vendimin e KG-së.
Gjobë me shifër identike ka marrë edhe Drita, për arsyeje identike si skuadra e Prishtinës.
“Tifozët e FC ”Drita” hodhen mjete piroteknike në tapetin e gjelbërt (sintetik) prapa portës , ku u shkaktuan dëme të konsiderushme. Janë hedhur disa mjete piroteknike me rrezikshmëri të lartë dhe kaçavida të cilat janë fotografuar dhe konfiskuar. Sipas raportit të delegatit të ndeshjes Prishtina Drita. Bazuar në nenin 52 paragrafi 1 pika C dhe neni 10 paragrafi 2 pika A të Rregullores disiplinore; Dënohet me gjobë ne shumë prej 1000 euro. Afat i pagesës është 8 tetë ditë kur vendimi bëhët i plotfuqishëm”, thuhet në njoftimin e FFK-së.
Ndërkaq kujtojmë që kjo sfidë ka përfunduar me shifra të barabarta 0:0. /Tëvë1/
