Sot (e enjte) në Nyon të Zvicrës është hedhur shorti për Elite Round, ku FC Prishtina 01 ka mësuar kundërshtarët e grupit.
Kampioni i Kosovës, do të luajë në grupin B së bashku klube të njohura me Benfica (Portugali), Kairat Almaty (Kazakistan), Dobovec (Sllovenia).
Portugezët dhe klubi nga Kazakistani njihen si dy prej klubeve më të mëdha në futsallin botëror.
Kampioni i Kosovës është në mesin e 16 skuadrave më të mira në Evropë, pas paraqitjeve spektakolare në Poloni dhe Lituani.
Ndeshjet do të zhvillohen nga 28 nëntori deri më 3 dhjetor në Pallatin e Rinisë dhe Sporteve në Prishtinë.
