Kampionia e Kosovës në futsall, Prishtina 01 synon ta kaloj raundin kryesor të Ligës së Kampionëve edhe në paraqitjen e saj të dytë në Evropë.
Sezonin e shkuar kur debutoi në Champions, Prishtina 01 arriti deri në “Elite Round” duke u kualifikuar në mesin e 16 skuadrave më të mira por u eliminua.
Këtë sezon, Prishtina 01 duhet të përfundoj në njërën prej tri pozitave të para në grupin 2 të raundit kryesor ndeshjet e së cilit nisin sonte dhe do të zhvillohen në kryeqytet.
Pjesë e këtij grupi krahas Prishtinës 01, janë edhe Braga e Portugalisë, Olmissumi i Kroacisë dhe Plzeni i Çekisë.
Ndeshjen e parë në kuadër të këtij grupi, Prishtina 01 e luan me Olmissumin e Kroacisë, duel ky që nis në orën 20:00 në Pallatin e Rinisë dhe Sporteve.
Përballjen e dytë, kampionia e Kosovës e ka me çekët e Plzenit të enjten kurse të premten luan duelin e fundit me Bragan. Edhe këto dy ndeshje startojnë prej orës 20:00.
