Kompania “Trainkos” ka njoftuar se prishja e lokomotivës në trenin e linjës Prishtinë-Pejë të dielën ka ndodhur si pasojë e prishjes në sistemin e ftohjes së motorit.
Nga kjo kompani për tëvë1 kanë thënë se kjo situatë nuk ka paraqitur rrezik për udhëtarët përveq vonesës së tyre derisa personeli ka shkuar me një lokomotivë tjetër për t’i tërhequr.
Gjithashtu janë shprehur të sigurt se nuk do të ketë vonesa të tjera për trenin 4200 dhe se udhëtarët do të arrijnë në destinacionet e tyre.
“Prishja e lokomotivës në linjën Prishtinë-Pejë ka ndodhur si pasojë e prishjes në sistemin e ftohjes së motorit megjithatë ka reaguar mbrojtja dhe nuk kem te bëjmë me defekte teknike po ashtu as me sigurinē e udhëtarëve. Megjithatë, prishjet nuk mund të parashikohen dhe ato ndodhin. Kjo situatë nuk ka paraqitur rrezik për udhëtarët. Ndërkohë, ka pasur një vonesë derisa personeli ka shkuar me një lokomotivë tjetër dhe ka tërhequr udhëtarët. Tashmë, udhëtarët do të arrijnë në destinacionet e tyre. Besojmë se nuk do të ketë vonesa të tjera për trenin 4200”, thuhet në përgjigjen e Trainkos për tëvë1.
Të dielën treni i linjës Prishtinë-Pejë ka pësuar prishje në njërën nga lokomotivat si pasojë e së cilës është detyruar të ndalet brenda tunelit në Ujmir./tevee1.info/
