Nëna e Marigonës, Valdete Osmani, tregoi se për dy muaj kishte vërjetur ndryshim në sjellje tek e bija, çka e kishte shtyrë të besonte se ajo ishte nën kërcënim.
Ajo ka treguar se në çfarë gjendje e kishte parë trupin e pajetë të së bijës.
Në dëshminë e tij, babi i Marigonës, Muhabi Osmani tregoi se për ngjarjen ka marrë vesh nga rrjetet sociale dhe është nisur direkt për në polici.
Një takim të babait të Marigonës, me Dardan Krivaqën e përmendi vet Krivaqa.
Në Gjykatën Themelore në Ferizaj, dy të akuzuarit Dardan Krivaqa e Arbër Sejdiu, sërish u deklaruan të pafajshëm.
Krivaqa, madje kërkoi falje nga familja e Marigonës.
Mbrojtësit e tyre u shprehën se akuzat nuk do të vërtetohen, ani pse nuk e mohuan vrasjen si vepër.
Aktakuza e ngarkon Dardan Krivaqën me veprën penale vrasje e rëndë dhe dhunim, kurse Arbër Sejdiun me veprën penale vrasje e rëndë dhe ndihmë në kryerjen e dhunimit.
Kronika e gazetares Florijeta Dernjani.
