Më 1 & 2 prill të vitit 1999, banorët e lagjes 1 të Gjakovës, ishin cak i forcave serbe, ku mbi 60 civilë shqiptarë ishin vrarë e masakruar, në mesin e tyre edhe fëmijë. Banorët që kanëmbijetuar, kanë rrëfyer tmerrin e asaj nate.
Disa minuta pa shënuar mesnata mes 1 dhe 2 prillit, zjarri që u ishte vënë shtëpive, kishte ndriçuar lagjen e parë në Gjakovë.
25 vite më parë, forcat serbe kishin përgjakur këtë lagje, duke kryer krime mbi popullatën civile, dukë vrarë e masakruar.
Në këtë masakër nuk ishin kursyer as më të vegjlit.
“Mesnatën e 1 & 2 prillit forcat serbe kishin masakruar mbi 60 shqiptarë në lagjen e parë në Gjakovë.”
Mevlyde Mezini-Saraqi, e mbijetuar e kësaj masakre, ka treguar për tmerrin që e kanë përjetuar ata natë.
“mes natës 1 dhe 2 prillit ka ndodhë një krim i tmerrshëm, ka qenë një mbrëmje e llahtarshme kur forcat policore serbe të shoqëruara me tanke të ushtrisë kriminale serbe dhe me paramilitar banor të lagjes sonë, kanë vrarë masakuar e djegur mbi 86 persona, ishte një mbrëmje e tmerrshme që e përjetova në rrugicat e lagjës time afër stacionit të autobusëve.”, tha Mevlude Mezini-Saraçi, e mbijetuar e masakrës.
Sipas saj, rreth 20 banorë të cilët ishin strehuar në shtëpi, janë varrosur në një varr të vetëm.
“në shtëpinë e LulzimVejsës janë vrarë 20 veta të cilët e kanë vetëm një varr pasi sot e kësaj dite nuk kanë mundur ti identifikojnë pjesë e truoave të tyre dhe ky varr më duket është o vetmi i këtij lloji nëkosovë. Kam parë flakë nga djegja e trupave të fëmijëve, grave dhe burrave të lagjes sime, kam dëgjuar qindra krisma, zhurmë të tankeve ushtarake, sepse atë natë një shtet i tërë po luftove me civilë, me gra edhe fëmijë”, u shpreh Mezini-Saraqi.
Edhe Shkendije Hoda nga shoqata “Krimet e Luftës” ka thënë se atë natë përveç vrasjes, ka pasur edhe dhunime seksuale.
“në këto pjesë të lagjes, nuk po citoj vende ku por në ato vende ku ka ndodhë masakra e 1 dhe 2 prillit ka pasë edhe dhunime të shumta”, tha Shkëndije Hoda nga Shoqata “Krimet e Luftës”
Banorët dhe të mbijetuarit e kësaj masakre tash e disa vite kërkojnë ndërtimin e një lapidari në këtë lagje, derisa shumica prej tyre janëshpërngulur nga aty.
Autore: Gresa Bardhecaj
