Kryepiskopi i Tiranës, Durrësit dhe gjithë Shqipërisë, Fortlumturia e Tij Imzot Joani, ka pritur në Tiranë një delegacion të Kishës Orthodhokse të Rusisë, të kryesuar nga Hirësia e Tij Andoni, Mitropoliti i VoloKolamskut dhe Kryetar i Departamentit për Marrëdhënie të Jashtme të Kishës së Rusisë.
Në përbërje të delegacionit ishin edhe Protopresviteri Nikolaj Balashov dhe Protopresviteri Igor Jakimçuk. Nga ana e Kishës Orthodhokse Autoqefale të Shqipërisë morën pjesë Mitropoliti i Elbasanit Andoni, Mitropoliti i Amantias Nathanaili dhe Episkopi i Krujës Anastasi.
Sipas njoftimit të Kishës Orthodhokse Autoqefale të Shqipërisë, gjatë takimit u diskutuan marrëdhëniet ndërorthodhokse dhe tema të ndryshme që lidhen me misionin e Orthodhoksisë në botën e sotme.
“Një fokus i veçantë iu kushtua çështjes së paqes në Ukrainë, ku u theksua rëndësia e lutjes, dialogut dhe përpjekjeve të vazhdueshme për arritjen e saj”.
