Ai thotë se kjo ka ndikuar në një masë të caktuar për shkak se në kohën e rritjes së çmimit të produkteve ushqimore, AKK do të hetonte këtë dukuri dhe do të informonte opinionin publik.
“Unë e kam thënë edhe më herët ka ndikuar në një masë të caktuar të madhe sepse nuk kemi pasur një institucion që fillon hetimet në tregje të caktuara në rast se ka pasur dyshime në fiksimin e çmimeve. Dmth nuk kemi një institucion që heton këto gjëra sepse me këtë institucion shteti e bind qytetarin sepse është institucion i pavarur dhe del e informon opinionin publik se ka rritje të çmimit të vajit sepse është trend i zingjirit global të rritjes së çmimit që ka reflektuar edhe në vend apo kemi bashkërendim të aktiviteteve të kompanive për të manipuluar çmimet dhe për të ngritur çmimet”, shtoi ai.
Prestreshi në “Ditari” në Tëvë 1 theksoi se nuk do të duhej të politizohej çështja e zgjedhjes së këtij bordi.
Sipas tij, problem tjetër në emërimin e këtij bordi është edhe Komisioni i AKK-së, për shkak se anëtarët e tij kanë mungesë përvoje në këtë fushë.
“Edhe pse është emëruar tani komisioni i ri, është kjo konkurrenca është deti ata bëjnë politika dhe shkencë në konkurrencë që 80 vite dhe nuk munden me i deshifru çështjet dhe komisioni i ri dhe kam arritur t’i lexoj CV-të e tyre do ta kenë problem të fillojnë të kyçen në tema për së paku 6 muaj nga mospërvoja sepse nuk kanë përvojë në këtë fushë ka pak në Kosovë që kanë përvojë në fushën e konkurrencës dhe këta persona që janë emëruar fatmirësisht është zbatuar një premtim që do të insistoj t’i emrëoj shumë gra i kemi 4 që është fenomenale por është problem për me ec përpara është institucion shumë me ndikim puna është shumë e stresuar”, tha ai.
Po ashtu, ai tregoi edhe çështjet urgjente që duhet të ndërmarrë Komisioni i ri i AKK-së, duke përmendur me theks të veçantë kundërshtimin e udhëzimit administrativ për përcaktimin e çmimit të derivateve.
“Çështja më urgjente tash është edhe problemi tjetër sepse Komisioni i Konkurrencës po të ishte konjukturë do ta kundërshtonte udhëzimin administrativ të Qeverisë, komisioni e ka për detyrë ta kundërshtojë udhëzimin administrativ për caktimin e çmimeve të naftës. Shpresoj se do ta bëjnë sepse e kanë obligim ligjor”, shtoi ai./teve1.info/
