Presidentja e Kosovës, Vjosa Osmani, ka zhvilluar një vizitë në Staten Island, New York, ku është takuar me bashkatdhetarët dhe përfaqësuesit e shoqatave shqiptare në këtë zonë.
Në një postim në Facebook, Osmani ka shprehur mirënjohje për pritjen e jashtëzakonshme që i është bërë.
“Faleminderit bashkatdhetarëve tanë në Staten Island dhe shoqatave ‘Ulqini’, ‘Dibra’ e të gjitha shoqatave të tjera për pritjen e jashtëzakonshme!”
Presidentja ka theksuar rolin e mërgatës në historinë e Kosovës dhe kontributin e saj në ruajtjen e lidhjes me atdheun.
“Historia e Kosovës është histori e sakrificës dhe përpjekjeve të përbashkëta. Në këtë histori, mërgata jonë në Amerikë ka shkruar një kapitull të ndritshëm, gjithmonë krah për krah me popullin tonë, duke dëshmuar se largësia nuk e shuan kurrë dashurinë për atdhe”, ka theksuar Osmani.
