Presidentja e Republikës së Kosovës, Vjosa Osmani, ka uruar Shtetet e Bashkuara të Amerikës me rastin e Ditës së Pavarësisë, e cila shënohet më 4 korrik.
Urimi i Presidentes është bërë përmes një videoje të realizuar gjatë pritjes zyrtare të mbajtur në Ambasadën Amerikane në Prishtinë.
Në mesazhin e saj, Osmani ka theksuar lidhjen e ngushtë dhe miqësinë e fortë mes popullit të Kosovës dhe SHBA-së:
“Një gjë mbetet kristal e qartë për të gjithë njerëzit e Kosovës:
Ne e dimë kush janë miqtë tanë.
Ne e dimë kush na qëndroi pranë kur ishte më e rëndësishme:
Njerëzit amerikanë kanë qëndruar me Kosovën.”
Ajo e përmbylli urimin me fjalët:
“Nga populli më pro-amerikan në botë:
Gëzuar 4 Korrikun, Ditën e Pavarësisë së Shteteve të Bashkuara të Amerikës!”
