Osmani ka njoftuar se ka takuar sot tre emisarët në takime të ndara, të dërguarin e posaçëm të Shteteve të Bashkuara, Gabriel Escobar, të dërguarin e posaçëm të Mbretërisë së Bashkuar, Stuart Peach dhe të dërguarin e posaçëm të Gjermanisë, Manuel Sarrazin.
Presidentja Osmani ka thënë se në këto takime e ka theksuar qëndrimin se integrimi i Kosovës dhe vendeve të tjera të rajonit në strukturat euro-atlantike është përgjigja e vetme për të parandaluar agjendën ruse dhe të satelitëvetë Moskës për destabilizim dhe ndikim të keq në rajon.
“Integrimi i Kosovës dhe vendeve të tjera demokratike të rajonit në strukturat euro-atlantike është përgjigja e vetme për ta parandaluar agjendën destablizuese dhe ndikimin keqdashës të Rusisë dhe satelitëve të saj në rajonin tonë. Këtë qëndrim e rikonfirmova në takime të ndara me të dërguarin e posaçëm të Shteteve të Bashkuara, z. Gabriel Escobar, të dërguarin e posaçëm të Mbretërisë së Bashkuar, z. Stuart Peach si dhe me të dërguarin e posaçëm të Gjermanisë, z. Manuel Sarrazin”, ka shkruar Osmani në Facebook.
Tutje Osmani ka theksuar se angazhimi i partnerëve tanë në Ballkanin Perëndimor është hap i duhur drejt rienergjizmit të procesit integrues, që sipas saj sigron paqen e qëndrusheme, sigurinë dhe demokracinë në rajon.
