Presidentja e vendit, Vjosa Osmani do të takohet sot me emisarin e Bashkimit Evropian për dialogun Kosovë – Serbi, Miroslav Lajçak.
Sipas njoftimit, takimi pritet të fillojë nga ora 15:00, përcjell teve1.info
Siç është raportuar dje në media, gjatë kësaj jave, Lajçak do të vizitojë Kosovën dhe Serbinë, në përpjekje për të shtensionuar situatën në veri të Kosovës dhe për të bindur palët që të kthehen në dialog.
BE-ja vazhdon të përsërisë thirrjet për të dyja palët që të bëjnë hapa të menjëhershëm për shtensionimin e situatës dhe të kthehen në dialogun për normalizimin e raporteve, që e ndërmjetëson Brukseli.
Këto thirrje u bënë edhe gjatë samitit të fundit të liderëve të BE-së që u mbajt javën e kaluar në Bruksel.