Të enjten bëhen një muaj prej kur është mbajtur seanca e parë për të konstituuar Kuvendin e Kosovës.
Bllokimi i këtij procesi për 30 ditë, ka bërë që e para e shtetit ti ftoj për takim krerët e partive politike të Kosovës për konsultime.
Ky takim i Osmanit do të bëhet në dy grupe. I pari grup do të jetë me krerët e partive politike shqiptare, Lëvizjen Vetëvendosje, Partinë Demokratike të Kosovës, Lidhjen Demokratike të Kosovës dhe Aleancën për Ardhmërinë e Kosovës dhe pritet të filloj në orën 13-të.
E dy orë pas tij, në dyert e presidencës do të vijnë edhe krerët e partive jo shumicë në Kosovë.
Ish ambasadori i Kosovës, Blerim Canaj thotë se arsyet pse janë ndarë në dy pjesë i di vetëm presidentja.
Këtë gjë më shumë teknike e sheh njohësi i zhvillimeve politike, Albinot Maloku.
Madje ai është edhe skeptik për pritjet nga ky takim.
Të enjten mbahet edhe seanca e radhës për konstituim të Kuvendit.
Ky tentim do të jetë i 16-ti me radhë nga ligjvënësit.
Seanca do të fillojë në orën 10:30.
