Presidentja e Maqedonisë së Veriut, Siljanovska Davkova nga zgjedhjet lokale të 19 tetorit, pret zgjedhje demokratike.
Pas votimit të saj në shkollën fillore “Kole Nedellkovski” në Shkup, Siljanovska Davkova tha për mediat se këto zgjedhje në pamje të parë janë më të ndërlikuara, pasi që ka më shumë lista, por sipas saj, kjo u jep zgjedhjeve një legjitimitet më të madh demokratik.
“Pres zgjedhje demokratike. Në pamje të parë është pak më e ndërlikuar, ka më shumë lista, por sipas mendimit tim kjo u jep zgjedhjeve një legjitimitet më të madh demokratik”, tha Siljanovska Davkova.
Në zgjedhjet lokale marrin pjesë 22 parti, 19 koalicione dhe 119 kandidatura të pavarura.
Votimi do të zhvillohet në 3.474 qendra votimi për 309 kandidatë për kryetar komunash dhe 576 lista për këshillat komunale me gjithsej 10.490 kandidatë.
Qyteti i Shkupit ka më shumë kandidatë për kryetar bashkie – 16.
