“Kjo luftë do të jetë një dështim strategjik për Putinin. Bashkëpunimi ynë në katër valët e njëpasnjëshme të sanksioneve kundër Rusisë ka qenë i jashtëzakonshëm. Sanksionet tani po hyjnë thellë në sistemin rus. Duke shteruar burimet e Putinit për të financuar këtë luftë mizore” , shkruan SkyNews, transmeton tëvë1.
Von Der Leyen, tha se puna jonë për sanksionet tregon gjithashtu se kur veprojmë së bashku, ne jemi më të fortë dhe me të vërtetë mund të bëjmë një ndryshim, teksa ka falenderuar popullin amerikan për mbështetjen që po ua jep europianëve pas nisjes së luftës Ukrainë-Rusi.
“Kjo mbështetje shtrihet edhe në forcimin e sigurisë energjetike të Evropës dhe pavarësisë nga lëndët djegëse fosile ruse. Siç e dini, ne synojmë të zvogëlojmë këtë varësi nga karburantet fosile ruse dhe ta heqim qafe atë. Dhe kjo mund të arrihet vetëm përmes, investimeve në burimet e rinovueshme, por edhe përmes furnizimeve shtesë të gazit, duke përfshirë dërgesat e LNG”, tha ajo.
