Presidenti i Sllovenisë, Borut Pahor, gjatë ditës së sotme do të qëndrojë në Kosovë.
Pahor po zhvillon një turne të vizitave nëpër vendet e Ballkanit Perëndimor, ditë më parë ishte në vizitë edhe në Beograd ku foli për dialogun mes Kosovës dhe Serbisë.
Ai do të takohet me presidenten e Kosovës, Vjosa Osmani në Prishtinë.
Turneu i presidentit të Sllovenisë vjen në kuadër të përgatitjeve për samitin e 11-të të procesit Brdo-Brioni, më 12 shtator, në Brdo pranë Kranjës.
