Një zyrtar i Shtëpisë së Bardhë i ka konfirmuar agjencisë së lajmeve Reuters se takimi midis presidentit sirian, Ahmed al-Sharaa dhe presidentit amerikan, Donald Trump ka filluar.
Një zyrtar i Shtëpisë së Bardhë tha se ai mbërriti në orën 11:37 të paradites sipas kohës lokale.
Megjithatë nuk ka ende asnjë fotografi të mbërritjes së Sharaas në Shtëpinë e Bardhë.
Ai mbërriti pa bujën që u bëhet shpesh udhëheqësve të huaj që e vizitojnë vendin.
Sharaa hyri nëpër një hyrje anësore të padukshme nga gazetarët ose fotografët, në vend që të kalonte nëpër derën kryesore të Krahut Perëndimor ku janë vendosur kamerat, shkruan Reuters.
Përpara vizitës së së hënës, nuk kishte flamuj sirianë të valëvitur në hyrje ose jashtë Krahut Perëndimor.
