Ministrja e Punëve të Jashtme e Kosovës, Donika Gërvalla, gjatë qëndrimit për vizitë zyrtare në Kroaci është takuar me presidentin kroat, Zoran Millanoviq.
Në këtë takim të dyja palët kanë diskutuar për propozimin franko-gjerman, anëtarësimin e Kosovës në OKB dhe institucionet tjera ndërkombëtare dhe për perspektivat euroatlantike të Kosovës, raporton teve1.info.
“Presidenti Milanoviq i konfirmoi ministres Gërvalla-Schwartz se Kosova gjithmonë ka mundur të llogarisë dhe mund të llogarisë edhe më tej në mbështetjen e Republikës së Kroacisë kur kemi të bëjmë me afirmimin ndërkombëtar të pavarësisë së Kosovës dhe perspektivës euro-atlantike të Kosovës. Presim që të gjitha shtetet anëtare të BE-së ta njohin Pavarësinë e Kosovës”, thuhet në njoftimin për media nga presidenca kroate.
Presidenti korat mirëpriti përpjekjet drejt normalizimit të marrëdhënieve mes Kosovës dhe Serbisë, të cilat tha ai, “do të garantojnë stabilitet afatgjatë në Evropën Juglindore dhe do të garantojnë perspektivë evropiane për tërë rajonin”.
