Pas takimit të sotëm, presidenti i Kroacisë, Zoran Milanoviq ka dhënë një deklaratë për gazetarët, ku tha se ka propozuar që Kosova të integrohet në Aleancën Veriatlantike, duke shtuar se kështu mund të bëhet shtet i plotë.
“Kosova, e cila fatkeqësisht nuk është e njohur nga katër anëtarë, nga arsye që janë të pamenduara e të dala kohe, nëse ndonjëherë kanë qenë valide… Unë kërkova edhe dialog serioz me Serbinë, dhe e pash që këtu askujt nuk i interesonte, nuk ishte në fokus. Unë propozova që, paralelisht me këtë, ta integrojmë Kosovën… që më në fund të bëhet shtet i plotë”, tha ai, raporton “Index.hr”, transmeton Teve1.info.
Po ashtu, Milanoviq në samit tha se është përmendur rajoni dhe rreziqet e mundshme si pasojë e pushtimit rus në Ukrainë, por thotë se nuk është përmendur Serbia e Kosova.
“Regjioni është përmendur, Bosnja-Hercegovina si shtet që pretendohet se është i rrezikuar, Moldavia, Gjeorgjia, por Serbia e Kosova nuk u përmendën”, ka thënë ai. /teve1.info/
