Presidenti ukrainas, Volodymyr Zelensky, u ka bërë të ditur se deri më tani më shumë se 130 ushtarë vendas janë vrarë deri më tani nga sulmi i Rusisë.
Ai përmes një deklarate në Facebook, ka kërkuar ndihmën e shteteve tjera perëndimore për të ndihmuar Ukrainën dhe për të ndaluar sulmin brutal të Rusisë.
Ai ka thënë se Ukraina po e mbron e vetme shtetin e saj.
“Këtë mëngjes ne po mbrojmë shtetin tonë të vetëm. Si dje, forcat më të fuqishme në botë po shikojnë nga larg”, ka thënë Zelensky në fjalimin e tij drejtuar kombit këtë mëngjes.
Po ashtu, Zelensky, përmes një video-mesazhi në gjuhën ukrainase dhe ruse, ai i ka bërë thirrje Rusisë për një armëpushim.
“Rusia do të duhet të flasë me ne herët a vonë se si t’i japim fund armiqësive dhe të ndalojmë këtë pushtim,” tha ai.
“Sa më shpejt të fillojë biseda, aq më të vogla do të jenë humbjet e Rusisë”.
Ai shtoi se derisa të ndalojnë sulmet, “deri atëherë do të mbrojmë vendin tonë”. /Teve1.info/
