Ai së pari do të takohet me homologen e tij, Vjosa Osmani – duke filluar nga ora 10:00, ku pas takimit do të ketë konferencë të përbashkët.
Pastaj në ora 12:15, presidenti i Shqipërisë do të takohet me kryeparlamentarin, Glauk Konjufca, raporton teve1.info
E në ora 13:00 do të takohet me kryeministrin, Albin Kurtin.
Po ashtu, ai do të bëjë homazhe te varri i presidentit të ndjerë Ibrahim Rugova, në ora 15:45.
Ndërsa në ora 16:35 homazhe do të bëjë edhe te varrezat e familjes Jashari.
Ndërkaq, Policia ka njoftuar se gjatë vizitës së presidentit të Shqipërisë, Bajram Begaj në Kosovë, nga data 14 deri më 16 gusht, do të kujdeset për ofrimin e sigurisë dhe mirëmbajtjen e rendit e qetësisë publike gjatë kohës së lëvizjes së eskortës dhe qëndrimit të delegacionit shtetëror në Kosovë.
Sipas njoftimit, për të mundësuar qarkullim të lirë të eskortës zyrtare nën përcjellje dhe sigurim sipas itinerarit të lëvizjes, Policia e Kosovës do të bëjë ndërprerje të përkohshme të qarkullimit të trafikut (në intervale të shkurta kohore), të disa segmenteve rrugore ku pritet të kalojë eskorta, si dhe në lokacione të caktuara ku parashihen të realizohen aktivitete zyrtare.