Presidenti i Këshillit Evropian, António Costa, sot do qëndrojë për vizitë në Kosovë, ku do të ketë takime me krerët e shtetit.
Ai do të takohet me presidenten e Kosovës, Vjosa Osmani ku pas takimit do të mbajnë konferencë të përbashkët.
Costa, pritet të takohet edhe me kryeministrin në detyrë, Albin Kurti.
Ndryshe, Costa në Kosovë vjen pas vizitës së djeshme në Beograd.
Presidenti atje ia tha Vuçiqit se dënimi i qartë i pushtimit rus të Ukrainës dhe dialogu me Kosovën janë kyç për integrimin e mëtejshëm të Serbisë në Bashkimin Evropian./teve1.info/
