Presidenca e Kosovës ka njoftuar se presidentja Osmani ka pranuar një urim nga homologu i saj finlandez Alexander Stubb, me rastin e 17-vjetorit të Pavarësisë së Kosovës.
Në njoftim thuhet se në mesazhin e tij, presidenti finlandez ka përcjellë urimet më të sinqerta për Osmanin dhe popullin e Kosovës, duke dëshiruar prosperitet dhe mirëqenie.
“Gjithashtu, presidenti i Finlandës ka shprehur pritshmëritë e tij për forcimin e mëtejshëm të marrëdhënieve dypalëshe në mes dy shteteve dhe ka theksuar rëndësinë e bashkëpunimit në çështjet aktuale të politikës së jashtme”, theksohet në njoftim./teve1.info/
