Presidenti egjiptian, Abdel Fattah el-Sisi i ka bërë një ftesë zyrtare Presidentit të SHBA-së, Donald Trump për të marrë pjesë në një ceremoni të mundshme të nënshkrimit të armëpushimit në Egjipt, nëse negociatat e vazhdueshme sjellin një përparim, ka shkruar Al Jazeera.
“E ftoj Presidentin e SHBA-së, Donald Trump, të marrë pjesë në nënshkrimin e marrëveshjes së armëpushimit në Egjipt, nëse ajo arrihet. Do të ishte mirë t’ju kishim këtu”,tha el-Sisi më herët sot gjatë një fjalimi televiziv, duke shprehur optimizëm të kujdesshëm në lidhje me progresin e përpjekjeve aktuale të ndërmjetësimit.
Egjipti ka luajtur një rol kyç në ndërmjetësimin e negociatave midis palëve në konflikt në rajon, duke punuar së bashku me partnerët ndërkombëtarë për të ulur tensionet dhe për të vendosur një armëpushim të qëndrueshëm.
Më 29 shtator, Trump zbuloi një propozim me 20 pika që përfshin lirimin e të gjithë robërve izraelitë në këmbim të të burgosurve palestinezë, një armëpushim, çarmatimin e Hamasit dhe rindërtimin e Gazës. Hamasi e pranoi planin në parim.
