Nico Williams ishte një nga lojtarët më të mirë në Euro 2024, ku klubet u rreshtuan për të në afatin kalimtar që sapo shkoi, por ai ka kontratë deri në vitin 2027 me Athletic Bilbaon.
Presidenti i këtij klubi, Jon Uriarte, i cili nënshkroi rinovimin e sulmuesit në dhjetor 2023, u shfaq këtë të hënë me Mikel González, drejtor i futbollit, për të vlerësuar mbylljen e afatit kalimtar dhe objektivat e klubit, por ai nuk mundi t’i shpëtonte efektit të Nico Williams.
“Kemi kthyer faqen dhe kapitulli ka mbaruar. Nico e ka bërë të qartë se dëshiron të vazhdojë këtu dhe për ne është diçka shumë e rëndësishme. Ai ka kontratë deri në vitin 2027. Është normale që lojtarët të ngjallin interes në afatin kalimtar”.
“Atletic Bilbao është diçka ndryshe, sepse rrënjët e lojtarëve janë në klub”, deklaroi ai.
Në fund ai u ndal te trajneri i Barcelonës, Hansi Flick, i cili e përqafoi Nicon pas ndeshjes, duke thënë se e uroi për fitoren në Euro 2024, por presidenti i Athletic Bilbaos hodhi një shigjetë të vogël për këtë gjë, duke thënë se të njëjtë gjë duhet ta bënte edhe me mbrojtësin Vivian.
