Presidenti Rexhep Tajip Erdogan ka shënuar nisjen e “Vitit të Familjes” të Turqisë të dhe shpalljen e masave për të rritur shkallën e lindjeve.
Ai duke përmendur “të vërtetën historike se një familje e fortë hap rrugën për një shtet të fortë”, Erdogan shpalosi një sërë masash financiare për të mbështetur familjet e reja.
Presidenti iu kthye temave të përmendura edhe më parë, duke përfshirë portretizimin e lëvizjes LGBTQ+ si pjesë e një komploti të huaj që synon minimin e Turqisë.
“Është përgjegjësia jonë e përbashkët të mbrojmë fëmijët dhe të rinjtë tanë nga tendencat e dëmshme dhe ideologjitë perverse. Tendencat kulturore neoliberale po i kalojnë kufijtë dhe po depërtojnë në të gjitha anët e botës,” tha ai para një auditori në Ankara. “Ato gjithashtu çojnë në fitimin e terrenit për lëvizjen LGBT dhe lëvizje të tjera.
“Targeti i politikave të neutralizimit gjinor, në të cilat përdoret LGBT, është familja. Kritikat ndaj LGBT-së heshtin menjëherë, ashtu si kritikat legjitime ndaj Sionizmit. Kushdo që mbron natyrën dhe familjen i nënshtrohet një shtypjeje të rënde.”
Paradat e krenarisë janë ndaluar që nga viti 2015, dhe ata që kërkojnë të marrin pjesë përballen me gaz lotsjellës dhe barrikada policore. Ndërkohë, vitet e fundit,mitingjet kundër LGBT+ kanë pranuar mbështetje shtetërore, raporton AP.
Duke iu kthyer rënies “alarmante” të shkallës së rritjes së popullsisë, Erdogan tha se Turqia po “humbte gjak” dhe kujtoi kërkesën e tij të vitit 2007 që familjet të kenë të paktën tre fëmijë.
Presidenti gjithashtu vuri në dukje se njerëzit që martohen më vonë në jetë dhe rritja e shkallës së divorcit si shkaqe për shqetësim. Norma vjetore e rritjes së popullsisë së Turqisë ra nga 2.53% në 2015 në 0.23% vitin e kaluar.
“Nëse nuk marrim masat e nevojshme, problemi do të arrijë në nivele të pariparueshme. Në një mjedis të tillë, humbja e popullsisë është e pashmangshme”, shtoi ai.
Për të luftuar kërcënimin ndaj familjes, Erdogan zbuloi politika të tilla si huatë pa interes për të sapomartuarit; shtesa monetare e përmirësuar për prindërit e fëmijëve të porsalindur; mbështetje financiare, këshilluese dhe strehimore për të inkurajuar familjet e reja; dhe kujdesi falas ose me kosto të ulët për fëmijët.
