Këshilltari për media i Presidentes, Bekim Kupina ka thënë për Tëvë1 se Zyra e Presidentes nuk ka pranuar asnjë njoftim zyrtar për vendimin e plotë nga Gjykata Kushtetuese.
“Zyra e Presidentes së Republikës së Kosovës deri më tani nuk ka pranuar asnjë njoftim zyrtar, e as Vendimin e plotë nga Gjykata Kushtetuese lidhur me rastet në fjalë”, ka thënë ai.
Kupina ka bërë të ditur se pas pranimit të vendimit të plotë Presidenca do ta analizojë vendimin e Kushtetueses dhe do të bëjë vlerësimin e gjithë procesit.
“Pas pranimit të vendimit të plotë, Zyra e Presidentes do te analizojë vendimin e Gjykatës Kushtetuese, dhe pastaj në bazë të vlerësimit të të gjithë procesit do të vendosë lidhur me veprimet e radhës”, ka shtuar ai tutje.
Përndryshe, Gjykata Kushtetuese njoftoi të hënën se i ka shpallur të papranueshme kërkesat e kandidatëve për kryeprokuror, Armend Hamitit dhe Shqipdon Fazliut, për vlerësim të kushtetutshmërisë së procesit për përzgjedhjen e kryeprokurorit./Teve1.info/
https://teve1.info/lajmet/ankesat-per-zgjedhjen-e-kryeprokurorit/?fbclid=IwAR2IzhfSTzrSuibQ4QDCnsDJutiQoKd4cEeJC-W_buWkASePmFxhlAdN7hI
